The Norwegian Rune Poem Reference Page

Reference pages such as this will expand as new information is added to them.

ᚠ Fé vældr frænda róge;
føðesk ulfr í skóge.

ᚢ Úr er af illu jarne;
opt løypr ræinn á hjarne.

ᚦ Þurs vældr kvinna kvillu;
kátr værðr fár af illu.

ᚬ Óss er flæstra færða
fǫr; en skalpr er sværða.

ᚱ Ræið kveða rossom væsta;
Reginn sló sværðet bæzta.

ᚴ Kaun er barna bǫlvan;
bǫl gørver nán fǫlvan.

ᚼ Hagall er kaldastr korna;
Kristr skóp hæimenn forna.

ᚾ Nauðr gerer næppa koste;
nøktan kælr í froste.

ᛁ Ís kǫllum brú bræiða;
blindan þarf at læiða.

ᛅ Ár er gumna góðe;
get ek at ǫrr var Fróðe.

ᛋ Sól er landa ljóme;
lúti ek helgum dóme.

ᛏ Týr er æinendr ása;
opt værðr smiðr blása.

ᛒ Bjarkan er laufgrønstr líma;
Loki bar flærða tíma.

ᛘ Maðr er moldar auki;
mikil er græip á hauki.

ᛚ Lǫgr er, fællr ór fjalle
foss; en gull ero nosser.

ᛦ Ýr er vetrgrønstr viða;
vænt er, er brennr, at sviða.

References:
A runic inscription on a distaff from the Viking Age: a newinterpretation of the runic inscription on the stick from Staraya Ladoga